WASHINGTON DC, —
Wani mutun mai shekaru 46, da haihuwa Mr. David Mossman, ya fado daga cikin wani jirigin ruwa na ‘yan yawon shakatawa daga hawa na 10. Wannan jirgin na daya daga cikin manya manyan jiragen yawon shakatawa a fadin duniya. Jami’an tsaro na jirgin Royal Caribbean Cruise, na cigaba da bincike cikin karkashin ruwa don gano wannan mutumin.
Ana dai cigaba da neman shi a cikin ruwan inda aka samar da duk wasu kayan agajin gaggawa da zasu taimaka wajen neman shi a cikin ruwan da suka hada da jirgi mai saukar angulu. Mutumin dai ya fada cikin ruwan ne jim kadan bayan tasowar jirgin daga tashar Key Largo, da ke jihar Florida ta nan kasar Amurka.
