‘Yar wasan gaba ta kungiyar kwallon kafa r mata ta Najeriya wato Super Falcons Asisat Oshoala ta bukaci da a kara kaimi a wajen habaka wasan kwallon kafa na mata a duniya daga tushe masamman ma a nahiyar Afirka.
Ta furta haka ne a wani taron hukumar kwallon kafa ta duniya wato FIFA akan kwallon mata da shugabanci da aka gudanar a kasar Switzerland wanda aka yiwa taken adalci wajen kaddamar da sauye sauye.
Asisat ta kuma yi kira ga shuwagabanin FIFA a Afirka da masu kula da wasan kwallon kafa da kuma wadanda suka yi fice a faggen wasan kwallon kafa dasu taimaka wajen ciyar da wasan kwallon mata gaba.
Tace a nahiyar Afirka masamman ma a Najeriya akwai wasu bangarori da suke ganin cewa wasan kwallon kafa bana mata bane domin suna ganin cewa zai wahalar dasu .
Ta kara da cewa babu kyawawan wuraren buga wasan kwallon kafa saboda zaka ga ana wasan kwallo akan burji ko kuma yashi.
