WASHINGTON, DC —
A shirinmu na mata a yau mun samu zantawa da wata matashiya mai suna Blessing Micheal ‘yar shekaru 23, da haihuwa wace tace ta bar makaranta ne bayan da ta kammala karantun sakandare a matakin farko, biyo bayan rasuwar maihaifinta, saboda a cewarta babu kudin da zata ci gaba da karatunta.
Yanzu dai Blessing, na da aure da ‘ya’ya biyu kuma a yanzu tana aikin kula da yara a wata makarantar yara kanana wato Nursery, inda take aiki domin tara kudin komawa makaranta.
Blessing, tace tana da burin kammala karatun ta har zuwa jami’a, ta inda ita ma zata bada nata gudumawa ta ta fuskar karantarwa, domin a cewarta ilimi shine ginshikin zaman duniya.