A shirinmu na nishadi a yau mun sami bakunci edita na fina-finai, Aminu Mu’azu wanda aka fi sani da Aminu Bacci, wanda ya kwashe shekaru a Kannywood, shi dai ya fara da sayarda da kasset ne yana shiryawa yana kuma gabatar da shirin fina finai amma yafi kwarewa akan aikin edita.
Yace a tsawon shekarun daya kwashe a Kannywood, babban abinda ke bashi sha’awa shine ganin mutanen da suka koyi wannan aiki a wurinsa suna yin abin a zo agani wannan abu na faranta mashi rai.
Ya kara da cewa kalubalen da suke fuskanta shine, na edita yayi aiki amma da zarar an samu wani kuskure sai dan kallo ko darakta ya danganta kuskuren da shi edita, alhali matsalar ta faro ne tun daga lokacin da aka je daukar fim din.
Ya kuma ce burinsa ya cigaba da wannan harka ta sa na kasancewa edita, da kuma samo sabbin dabaru domin ciyar da sana’ar edita gaba.
