Mataimakin manajan kungiyar kwallon kafa ta Manchester United ya bukaci ganin cewa dan wasan kwallon kafa na kasar Faransa mai bugawa kungiyar kwallon kafa ta Juventus wasa mai suna Paul pogba, mai shekaru 23 da haihuwa ya koma tsahuwar kingiyarsa ta Manchester United.
Kungiyar ta Manchester ta ware zunzurutun kudi har euro milyan dari domin tabbatar da dawowar wannan tsohon dan wasa nata. Pogba ya bar kungiyar ne a sheakara ta 2012 inda ya koma kungiyar Juventus da taka leda.
Kungiyar Arsenal kuma ta shigi shirye shiryen sayo dan wasan gaba na kungiyar Real Madrid Alberto Moreno mai shekaru 23, da haihuwa akan kudi fan miliyan 57, yayin da dan wasan Najeriya mai bugawa kungiyar CSKA Moscow Ahmed musa dan shekaru 23, ya koma kungiyar Leicester City dake kasar Ingila akan kudi fan miliyan goma sha shidda.
Idan Allah ya kaimu ranar laraba mai zuwa ne dan wasan zai bayyana a Ingila domin a binciki lafiyarsa kafin ya fara takawa kungiyar ta Leicester City leda gadan gadan a wasannin kwallon kafa na kakar bana.
