Kungiyar kwallon kafar Manchester City da Manchester United, sun fi kowace kungiyar kwallon kafa dake kasar Ingila yawan kashe kudi akan tsaro a lokaci wasan kwallon kafa.
Manchester City ke kan gaba inda ta baiwa hukumar tsaron ‘yan Sandan Manchester, ladan kudi har fam dubu dari tara da arba’in da hudu da dari daya da tasa’in da biyu, sai Manchester United dake na biyu inda ta kashe fam dubu dari tara da ashirin da biyu da dari daya da ashirin da shida, a kakar wasan da ta wuce.
Kungiyoyin Arsenal, da Chelsea, Crystal Palace da Tottenham da kuma Westham an cajesu kudi fam dubu dari daya da saba’in da takwas da araba’in da bakwai.
‘Yan Sanda, kan yi fama da matsalolin tsaro yayin gudanar da wasan firimiya lig, masamman wasan da ya shafi hamayya.
