WASHINGTON, DC —
Yusuf Dalha wani matasashi mai shekaru 14 mai koyar sana'ar aikin kujeru ya ce iyayensa ne suka turo shi ga wannan sana'a domin ya zamo mai dogaro da kai.
Yusuf ya ce yanzu ya sami kimanin shekara daya da rabi yana koyar sana’ar kuma daga dukkan alamu ya fara son sana’ar, yana mai cewa a cikin dan lokacin da ya fara wannan aikin, kawo yanzu ya iya kusan duk wani aiki da ya shafi hada kujeru.
Ya kuma kara da cewa koyar sana’ar da yake yi ko kadan baya hana shi ci gaba da karatun sa .
Ya ce kawo yazu ya kusa kamalla koyon aikin hada kujeru kuma burinsa ya kammala karatunsa inda yake so ya karanci lissafi.
