A jiya Laraba ne shahararren kamfanin wayoyi na iPhone, suka kaddamar da sabuwar wayar su ta iPhone 7. Kamfanin dai sun dau alwashin sake salon wayoyi masu manhajar smartphone, duk dai da irin yanayin da suka tsinci kansu a ciki. Yanzu haka wannan sabuwar wayar na nan a kasuwa, ga masu bukata.
A yayin kaddamar da wayar, shugaban kamfanin Mr. Tim Cook, a babban birnin San Francisco, yayi jawabi da bayyanar da abubuwan da sabuwar wayar ta kunsa. Wayar na dauke da sabon tsari na botirin dannawa, na home, sai kyamarar wayar na da karfi da tafi na tsohuwar waya.
Wayar ta samu sabon bidiyo game na “Pokemon Go” da aka kayatar da shi tun daga kamfani, ya kara da cewar kamfanin nan bada dadewa ba, zasu fitar da sabon likitan agogon hannu, da zai dinga duba lafiya mutun akai akai, wanda aka sama suna “Apple Watch Series 2” kana agogon yana dauke da sabon tsarin taswirar duniya, wanda zai kai mutun inda bai taba zuwa ba batare da yayi tambaya ba.
Za’a fara siyar da agogon a ranar 19 ga wannan watan, akan dallar Amurka $369 dai-dai da naira dubu dari da ashirin, inda shi kuma tsohon agogon sai sauka zuwa $269. Zuwa yanzu dai kamfanin na Apple na fuskantar barazana daga kamfanin Samsung da kamfanin Huawei, na kasar India.
