Dan wasan gaba na Super Eagles, wanda yake taka leda a Watford, a kasar Ingila Odion Ighalo, ya ce har yanzu yana da ra’ayin taka leda a firimiya lig, ta kasar China.
Koda yake sau biyu Ighalo, yake kin amincewa da tayin da akayi masa da kudade masu tsoka domin komawa kasar China da buga wasa, amma ya ce bai kammala abinda yake yi a kasar Ingila ba.
Ya ce zai koma kasar China, da taka leda idan lokacin yayi, yana mai cewa rawan kudaden da ake masa tayi dasu basu tsokale masa idanu ba kamar yadda ya shedawa jaridar Watford.
Ya kara da cewa lokacin zuwa China bai yi ba tukunna babu shakka kudaden na fitar hankali ne, ni ba Cristiano Ronaldo ko Lionel Messi bane ni ba attajiri bane amma ina da wadatar zuci.
Lig din Ingila, ya fi kowane lig, a duniya, zan ci gaba da jajirjewa a nan , ina da abubuwan da ban kammala ba a Ingila