WASHINGTON DC —
A ranar lahadin da ta gabata ne aka karrama sanannen dan wasan nan marigayi Rabilu Musa, wanda aka fi sani da suna Dan Ibro wanda ya rasu a watan Disambar shekarar da ta gabata, a bikin bada lambar Yabo ga ‘yan wasan Hausa da kamfanin MTN ya shirya a babban birnin tarayya Abuja.
An karrama marigayi Rabilu Musa saboda irin hazakar da yayi a fannin wasan fina-finan hausa daban-daban, musamman a fannin wasan barkwanci.
Sauran ‘yan wasan da aka karrama sun hada da Ali Nuhu, Sani Sadiq, Hadiza Gabon, Mustapha Naburaska, Fati washa, Aisha Dan Kano, Rahma Yasir, Nafisa Abdullahi da Yassin Awwal.
A fannin masu tsarawa da hada shrye-shiryen fina-finai kuma an karrama Aminu Saira, Rahma Abdulmajid, da Sani Candy.
