Hukumomin wata makaranta a yankin Chivi, dake kasar Zimbabwe sun rufe makarantar har sai illa masha Allahu biyo bayan zargin maita a makarantar.
Ganin yadda daliban makarantar ke suma hakannan babu dalili kamar yadda wata mujallar kasar mai suna Zimeye, ta ruwaito tace daya daga cikin mahaifan daliban wanda bai so a ambaci sunansa ba ya danganta abinda ke faruwa a makarantar da maita dakuma mugayen iskokai.
Mujalllar ta kara da cewa abubuwa na ta faruwa a makarantar na ban mamaki kamar yadda wata yarinya ‘yar aji biyu tayi dogon suma mai tsawon gaske tafkar ta bar duniya.
Kansilan a al’umar Chivi Wilson Machingambi, ya shaida cewa iyaye da dama dasuka fusata sun cire ‘ya’yansu daga makarantar wanda hakkan yayi sanadiyar hukumomi suka rufe makarantar.