A cigaba da fafatawa da akeyi na cin kofin Copa del rey, ta shekarar 2016/2017, a kasar Spain, a matakin wasan kusa da na karshe Semi Final, zagaye na biyu.
A yau Kungiyar kwallon kafa ta Barcelona, zata kece raini tsakaninta da Atletico Madrid, inda a karawarsu ta farko Barcelona, tabi Atletico, har gida ta lallasa ta da kwallaye Biyu da daya.
Za'a buga wasanne da misalin karfe tara na dare agogon Najeriya, Nijar, Kamaru da kasar Chadi.
A jiya ne kungiyar kwallon kafa ta Granada, ta doke Las Palmas, daci 1-0 a wasan La-liga, 2016/2017 mako na ashirin da daya.
A yanzu haka dai Granada, ta hauro zuwa mataki na goma sha tara da maki 13, a kasan teburin na La-liga.
Las Palmas, kuwa tana mataki na goma sha daya daga tsakiyar teburin da maki 28 a wasanni ashirin da daya da ta buga.
