WASHINGTON, DC —
‘Yan kungiyar Boko Haram, sun afkawa, garuruwan, Uba da Mubi, a Jihar Adamawa, dake arewa maso gabashin Najeriya, duk da yarjejeniyar tsagaita wuta, da aka ce, an cimma tsakanin kungiyar da Gwamnatin Najeriya.
A garin Mubi masu tada kayar bayan sun fasa gidan yarin garin inda suka saki fursunoni, suka kuma shiga gidan sarkin Mubi.
Jami’an tsaron sun kauracewa garin inda suka bar ‘yan kungiyar Boko Haram, ke shawagi a garin, mun kuma samu labarin cewa ‘yan kungiyar ke rike da barikin sojojin dake garin na Mubi.
