Tirkashi! Shahararren dan wasan kwallon kafar klob din “Manchester City” dan asalin Najeriya, Kelechi Iheanach, ya nemi karin zunzurutun kudade daga kungiyar tashi. A tabakin wakilin na shi, ya bayyanar da cewar Kelechi, na bukatar karin kudi da suka kai kimanin fan dubu dari biyu, dai-dai naira milliyan sittin a sati.
Wakilin na shi ya kara da cewar “Ai Kelechi, ya cancanci wadannan kudin, idan aka kwatanta yadda yake wasa da yawan kwallaye da ya saka a raga” shi dai dan wasan mai shekaru goma sha tara da haihuwa, ya saka kwallaye goma sha uku a raga a wannan kakar wasan.
Bakwai daga cikin kwallayen shi, a lokacin wasan zakaru na Premier League ne. A watan Oktoba da ya gabata, kungiyar ta aminta da bashi fan dubu hamsin wanda yayi dai-dai da naira milliyan goma shabiyar a sati. An dai bayyanar da cewar klob din zasu sake tattaunawa da wakilan dan wasan, don ganin yadda za'a yi wajen sabunta kwantirakin.
