Daruruwan yara yan makarantu ne a garin Jalingo,fadar jihar Taraba, suka gudanar da zanga-zangar lumana ta nuna fushinsu game da rashin biyan malamansu albashi na kusan tsawon watanni takwas.
Su dai wadannan ‘yan makaranta da tun farko suka karade manyan titutunan fadar jihar sun bayyana rashin jin dadinsu da rashin biyan malaman nasu da suka ce hakan na maida hannun agogo baya a harkar karatunsu.
Haka nan wasu malaman da suka shiga sahun daliban sun bayyana bacin ransu na rashin biyan su albashin.
Da jibin goshi ne dai Mataimakin gwamnan jihar Taraba Haruna Manu, ya jagoranci jami’an gwamnatin jihar da suka yiwa daliban d malamansu jawabi a fadar gwamnatin jihar, inda ya saba layar cewa za’a duba bukatunsu.
Yanzu dai an zura ido aga yadda zata kaya game da batun albashin malaman, yayin da a bangare guda suma ma’aikatan kananan hukumomin jihar ke kokawa.
Ga rahoton Ibrahim Abdul’aziz.
