A yau Laraba ne Kungiyar Enyimba FC zata kara da takwaran su ta Kano Pillars wato ‘Sai Masu Gida’ duk da yake dai sun sha haduwa a baya, kuma Pillars ce ke samun nasara duk haduwar su.
Shima kaftin din Enyimba FC, Chinedu Udoji ya bayyana cewa ‘yan wasan su sane da barazanar da kungiyar Kano Pillars ke da ita a garesu, domin zata iya shiga tsakannin su da abinda suke nema wato zama zakaran gasar champion lig bayan shan kashi har sau biyu a baya da hana su daukar kofin.
A kakar wasa har biyu da suka wuce Pillars dai na samun nasara kan Enyimba FC a gida, duk da yake dai Enyimbar ce ke karbar bakuncin wasannin basa samun nasara kan Pillars.
Udoji ya fadawa mujallar Goal cewa sunyi koyi daga kurakuransu na baya, kuma ba zasu bar Kano Pillars ta samu nasara kansu ba a wasan da zasu buga a yau Laraba.
Kaftin din na Enyimba yace kungiyarsa zata duba yadda tayi wasa a wasannin biyun dake gabanta wanda daga nan ne zata gane cewar ko zata iya zama zakaran wasan wannan kakar wasan.
