Kasar Egypt taje wasan karshe na AFCON 2017, a cigaba da fafatawa da akeyi a fagen wasan kwallon kafa na cin kofin kasashen Afirka AFCON 2017, a can kasar Gabon.
Jiya Kungiyar kwallon kafa ta kasar Egypt, ta samu nasarar zuwa wasan karshe Sakamakon doke kasar Burkina Faso da tayi da kwallaye 4-3 a bugun daga kai sai mai tsaron gida bayan sun tashi kunnen doki 1-1 a matakin wasan kusa da Karshe Semi Final.
A yau kuma Kungiyar kwallon kafa ta kasar Kamaru zata kece raini da kasar Ghana a wasan kusa da karshe duk wace tayi nasara ita zata kara da kasar Egypt a wasan karshe. Wasan na yau za a fafata ne da misalin karfe takwas na dare agogon Najeriya Nijar Kamaru da Chadi.
A nahiyar Turai kuwa jiya kungirar kwallon kafa ta Barcelona dake kasar Spain ta doke Atletico Madrid da ci 2-1 a gidan Atletico, a gasar cin kofin Copa Del Ray na 2016/2017 a matakin wasan kusa da karshe.
Inda a yau kungiyar Celta Vigo zata barje gumi tsakaninta da Alaves a matakin Semi-final da karfe tara na dare agogon Najeriya da Nijar a Copa Del Ray.
