WASHINGTON D.C —
Kamfanin Facebook zai fitar da wata sabuwar manhaja wadda zata taimaka ma mai anfani da shafin gano duk abubuwan da ya taba ajewa ko rarrabawa tsakanin sa da abokan huddar sa na na tsawon shekaru.
Wannan manhaja zata iya gano abubuwa da dama da mai shafin ya taba anfani da su ko da kuwa ya manta.
Wannan fasahar zata iya gano sako ko hotunan da abokai suka raba tsakanin su koda sun dauki shekaru da dama akan facebook wato koda sakwannin sun yi yawa har sun kaiga bace wa.
Duk da haka, wannan fasaha bazata canza yadda ake amfani da shafin ba, saida kara masa inganci domin kuwa mai shafi zai iya boye bayanan sa ba tare da wani wanda ba abokinsa ya gani ba.
