A jiya ne kamfanin Meko da gidan rediyo freedom suka shirya gasar baje kolin mawaka wadanda aka yi wa lakabi da (Freedom Meko Award)
A yayin gasar shugaban kungiyar hukumar tace finai-finai ta jihar Kano Ismaila Na’abba Afakalla, ya ja hankalin kafofin yada labarai da kungiyoyin mawaka da su rika shirya gasa a tsakanin kananan mawaka da masu gabatar da da shirin fin dan zakulo wadanda ke da basira domin suma a rika damawa da su wajen bawa al’umma gudunmawa.
Ya kuma kara da ce jihar Kano na da bangarorin mawaka da ke da basira da fasaha, ilmantarwa ta hanyar waka.
Nura Bello, wanda ya jagoranci gasar ya ce, wannan ne karo na farko don tallata kananan mawaka tare da jan hankalin masu shi’awa shiga harkar nishadi.
Kabiru na Mai Rabone, ya zo na daya a bangaren Nanaye, Abba Fido, shi ne ya zo na biyu a bangaren Nanaye, Hanny Billy O, ya zo na daya a bangaren gambara wato Rap.
Facebook Forum