DandalinVOA na yiwa daukacin al’ummar musulmi barka da sallah da fatan anyi sallah lafiya , Allah ya maimaita mana amin , a shirin namu na yau zai canza salo ne domin a yammancin jiya ne masana’antar fina-finai ta arewancin Nijeriya, Kannywood ta yi babban rashi inda aka wayi gari da rasuwar fitattacen jarumi magariyi Kasimu Yero wanda ya rasu aka binne shi bayan la’asar a jiya.
Idan mai sauraro bai manta ba a shekarar data gabata ne muka tattauna da shi a dandandalinvVOA wanda ya ce ya fara wasan kwaikwayo tun shekarar 1970, shekaru 47 kenan kuma yayi fice a wasan kwaikwayo na Magana jarice.
Allahu Akbar duniya labari an binne marigari a makabartar Bachama dake garin Kaduna, ya rasu ya bar ‘ya’ya 8.
Daga cikin fitattun wassanin da marigayin yayi akwai’ Cockrow at dawn a matsayin Uncle Gaga, sai a film din Magana jari ce wanda yayi tashe a shekarun 1980.
Kasimu yero dai dan asalin garin Zaria ne inda daga bisani ya dawo cikin kaduna ya kuma zauna da kakansa malam Mohammad sambo wato magajin garin kaduna inda yayi karatun boko.
Facebook Forum