Sergio Aguero, na kungiyar kwallon kafa ta Manchester City, yayi rawar ganin a gasar Primiya lig, duk rashin iya kare kabin da kungiyar sa tayi a bana, ya jefa kwallaye 26 a raga a gasar.
Saboda irin taka ledar da Aguero yayi yasa ya samin lashe takalmin kwallo na Zinari a gasar na bana duk da cewar akwai ‘yan wasa kamar Lionel Messi da Cristiano Ronaldo.
Tsohon dan wasan Atletico Madrid Aguero, bai ji da dadi ba a karawarsu da kungiyar kwallon kafa ta Saint, inda duk kokarin da yayi hakarsa bata cimma ruwa ba.
Amma a wasan karshe Aguero, ya tabbatar da ganin cewa suna san a cikin wadanda suka jefa kwallo a raga.
Da yake jawabi, Koch din Manchester City Manuel Pellegrini, bayan da kungiyar sa ta zo ta biyu a gasar primiya lig, yace Aguero, abokin tafiya ne domin a kowane lokaci yana wasa mai kawatarwa da kowa ke alfahari dashi.
