Koch din Chelsea Jose Mourinho, yace idan da so samu ne mai tsaron gida Chelsea, Petr Cech, ba zai bar Chelsea ba, amma yace bashi da hurumin hana shi bari, idan har harka yake so.
Cech dan shekaru 32, da haihuwa, ana san ran cewa zai koma kungiyar Manchester United, kuma akwai rade-radin cewa kungiyar Arsenal ma tana neman zawarcin sa.
Da aka tambayi Mourinho, tabbacin cewa ko Cech, zai bar Chelsea, da gaske, sai yace ina fatan ba zai bar Chelsea ba domin shi namu ne kuma Chelsea, na tattare da tarihin rayuwarsa.
Ya kara da cewa Cech, shahararren mai tsaron gida ne wanda nike girmamawa, na kuma nuna masa cewa yana da daraja, idan har abun da zan iya ne toh tabbaci hakika babu inda za shi in ji Mourinho.
Tun shigar sa kungiyar, Chelsea, ta ci kyuatuttuka 15, har da cin gasar primiya lig sau 4.
