WASHINGTON, DC —
Allah Sarki, jiya ba yau ba.
A wannan hoton, marigayi Sultan Abubakar na 3, yake makala lambar yabo ta "Africa Star" ga wasu sojoji su 13 na rundunar sojojin Sarauniya ta Afirka ta Yamma, watau Royal West African Frontier Force, a birnin Ibadan dake Lardin Kudu.
Dukkan sojojin nan su 13, Hausawa ne daga Lardin Arewa, kuma sun yi yakin duniya na biyu a yankin Gabashin Afirka tare da sauran rundunonin sojan Sarauniyar Ingila, inda suka yi abubuwa na jarumtakar da suka sa aka ba su wannan lambar yabo.
An dauki wannan hoton ranar 27 Nuwamba, shekarar 1944, yau shekara 70.