Duniyar wakar Najeriya tana kara samun waje a fadin duniya, fitaccen mawaki dan Najeriya da aka fisani da suna “Wizkid” ya samu karbuwa a fagen wakokin kasar Amurka. A karon farko, ya hadu da shahararren mawakin kasar Amurka “Robert Sylvester Kelly” wato “R. Kelly”
Fitaccen mawakin R. Kelly, sun hadu da mawakin Najeriya Wizkid inda sukayi wasu wakoki gomasha hudu 14, wanda ake sa ran za’a fitar da sabbabib wakokin a ranar shadaya 11, ga watan Desambar shekarar nan. Shi dai R. Kelly, shahararren mawakin kasar Amurka ne, da ya bar waka kimanin shekaru da dama, amma yanzu ya sake shiryawa don dawowa fagen waka.
Wannan kan'iya zama wata dama da matasa, masu sha'awar waka zasu maida hankali wajen bayyanar da irin tasu baiwar a duniya. A kasashe da suka cigaba, matasa kan bayyanar da hazakar su wajen daukar kansu, suna aiwatar da abun da suke da sha'awa, sukan yi amfani da wayar hannu wajen daukar bidiyon kansu, sai su saka shi a shafin youtube, daga nan wasu ke gani su gayyace su har su zama wasu abu a duniya.