Shahararren kamfanin wayoyi na duniya Apple, sun kaddamar da wata sabuwar waya da sukayi ma suna “iPhone SE” wannan sabuwar wayar nada girman inci-4, kuma an sakama wannan sabuwar wayar wasu abubuwa na zamani, wanda zata iya yin dai-daito da manya-manyan wayoyin su na 6S da 6S Plus.
Ita dai sabuwar wayar tana dauke da abubuwan kayatar wa kuma an inganta ta da jiki mai kyau wanda tafi girman tsofaffin wayoyin su na iPhone 5 da iPhone 6. Ita dai sabuwar wayar iPhone SE, tana zuwa da asusun ajiya da ya kai har runbu 64, tana da karfin aiki irin na A9, da wani sabon tsari na M9 duk wani abu da wata babbar wayar kanyi itama wannan sabuwar wayar zata yi, musamman ma wadanda suka shafi shiga yanar gizo batare da bata lokaci ba.
Kuma za’a iya samun wannan sabuwar wayar a kudi da suka kai kimanin naira dubu tamanin N80,000 a tabakin shugaban kamfanin na Apple, mutane da dama suna tambayar mu da muyi waya kamar wannan, da zata dauki kusan komai da babbar waya za tayi, amma ta zama mai saukin kudi. Don haka gata nan sai mutane su bada himma wajen siya a kasuwa daga ranar 31 ga watan Maris na wannan shekarar 2016.