WASHINGTON, DC —
Ana can ana neman wani yaro dan shekaru biyu wanda wani Kada ya janye shi a wani kududdufi a kusa da otel a wurin shakatawa na Disney World, dake Orlando.
Shi dai wannan yaro tare yake da iyayyensa da sauran ‘yan uwansa sun kuma fito daga jihar Nebraska ne, kuma suna cikin wani kwale kwale suna kilisa, alokacin da wannan Kada ya janye yaron kamar yadda shugaban ‘yan Sanda karamar hukumar Orange Jerry Demings, ya shedawa manema labarai.
Fiye da jami’an tsaro hamsin ne aka tura domin neman wanna yaro a kududdufin da yake da zurfin mita hudu, Shugaban ‘yan Sandan yace babu wani rahoton cewa Kada ya aki farmaki a yankin.
A bara wani da shekaru 61, ne mutumin farko da Kada ya hallaka tun bayan shekarar 2007.