A wasan da ake bugawa na Copa America, an kai wasan kwata fainal, wanda aka buga wasani guda hudu, inda Amurka ta doke Ecuador, 2, da 1, Peru da Columbia inda Columbia ta samu nasara akan Peru 4, da 2, a bugun daga kai sai mai tsaron gida.
Argentina ta lallasa Venezuela, 4, da 1, inda ita kuma Chile tayi kaca kaca da Mexico da kwallaye bakwai da nema.
Wannan ya nuna cewa Amurka , Argentina Columbia da Chile sun samu shiga sagayen kusa da na karshe wanda za’a buga ranar laraban nan mai zuwa.
A wannan sagayen kungiyar kwallon kafa na Amurka, zata fafata da Argentina, inda ita kuma Columbia zata kara da kungiyar kwallon kafa na chile.
Sakamakon wasanin gasar nahiyar Turai kuwa Czech Republic da Croatia sun yi kunnen doki 2, da 2, sai Spain ta doke Turkey da 3, da nema Italy tayi nasara akan Sweden 1, da nema Iceland suka yi canjaras da Hungary, Portugal da Australia sun tashi wasa babu wanda ya jefa kwallo ita kuwa Ireland ta kwashe kashinta a hannu inda Belgium tayi mata 3, babu kodaya.
Romania ta sha kashi a hannun Albania 1 da nema sai Switzerland da Faransa su kayi kunnen doki.
Your browser doesn’t support HTML5
Gasar Copa America Sun Sami Shiga Wasan Kusa Da Na Karshe - 2'57"