A bangaren cinikayyar ‘yan wasan kwallon kafa na duniya, idan Allaha ya kaimu ranar juma’a ne ake sa ran tsohon dan wasan kasar Sweden wanda ya bayyana yin murabus ga takawa kasar sa Leda Zlatan Ibrahimovic, zai rattaba hannun fara wasa a kungiyar Manchester United har na tsawon shekara daya.
Dan wasan zai amshi garabasar kudi Fan Miliyan Hudu daga tsohuwar kungiyarsa ta PSG.
Shi kuwa mai horasda ‘yan wasan kungiyar kwallon kafa ta Arsenal Arsen Wenger zai tattauna da wakilin dan wasan kungiyar kwallon kafa ta Lyon Alexandre Lacazette, dan shekaru 25 da haihuwa domin yiwuwar dawowarsa kungiyar Arsenal akan kudi Fan Miliyan Arba’in da Biyar.
Shi kuma dan wasan kasar Brazil mai suna Neymar, dan shekaru 24 da haihuwa, a shirye yake domin sake rattaba hannu da kungiyar kwallon kafa ta Barcelona dake kasar Spain akan kudi Miliyan dari da Tamanin da Shidda.
Your browser doesn’t support HTML5
Hada-hadar Kasuwanci Da Zawarcin Zaratan 'Yan Wasan Kwallon Kafa Na Duniya