An kama wani matashi da katunan zabe na din din din guda ashirin da biyar a Ugo dake karamar hukumar Orhionmwon, a jihar Edo.
An ce matashi ya bi gari yana yaudaran mutane cewa su bada katunan zaben su a basu lamunin tayar da komada na Naira dubu dari biyu(200,000) .
Wani mazaunin yankin ya ce sun sami labarin cewa akwai wani matashi da yake karbar katunan zaben mutane, da jin haka sai muka bi sahun sa har zuwa gidan da yake inda aka sameshi da katunan zabe ashirin da biyar na mutane tare dashi.
Matashi ya ce wasu shuwagabanin garin na Ugo, ne suka sa shi, yana mai cewa sun ce duk wanda ya bada katin zaben sa za’a bashi lamunin tada komada na Naira dubu dari biyu (200,000). Wannan ne ya ja ra’ayi mutane suka mika masa katunan sun a zabe.
Kwamishinan ‘yan Sandan jihar, Mr. Chris Ezike, wanda ya tabbatar da labarin ya bada umarin cewa a turu bincike zuwa hedekwatar rundunar ‘yan sandan jihar kuma a tabbatar cewa an bi ka’ida.