Wani matashi mai suna Sadik ya kaiwa abokinsa suka da wuka wanda ake zaton shi yayi sanadiyar mutuiwarsa, shi dai wannan matashi yana da kimanin shekaru ashirin (20).
Wannan abu ya faru ne a wata unguwa da ake kira Gooro dake kusa da makarantar kere-kere na Kumasi, a kasar Ghana.
Dan uwan marigayin Abdullai Tahir ya fadawa 'yan jarida cewa, an kirashi a akan wayar tarhonsa ne aka shaida masa wannan labarin kisar dan uwan nashi mai suna Mustapha, abokinsa Sadik na unguwar Aboabo ya kashe kanensa. Abdullahi, yace shi da abokansa sun garzaya inda wannan abu ya faru don su kama Sadik su kaiwa yan sanda, amma sai abu ya ci tura.
Ba'a iya gano dalilin da ya jawo rikicin ba, wanda ya jawo sanadiyar suka da wuka ba, Sai dai 'yan unguwar sun ce mutuwar nashi nada nasaba da wata zazzafar takaddama tsakaninsa da abokinsa Sadik, a kan wasa da kungiyoyin Manchester United da Manchester City da suka yi a fafatawar su a wasannin firimiya ta kasar Ingila.
An kai gawara asbitin Manhyia ana jira a gudanar da binciken sanadiyar mutuwar, a yayi da 'yan sanda ke ci gaba da bincike a kan wannan lamari.