Arsene Wenger Ya Ce Akai Kasuwa

WASHINGTON, DC — 

Kafin a bude kasuwar hada hadan sayen ‘yan wasan kwallon kafa a watan Janairu, kungiyoyi na ta shirye shiryen ganin cewa sun tanaji ‘yan wasan da zasu sayar kafin wannan lokacin.

A yanzu haka dan wasan kasar Portugal, mai taka leda a kungiyar wasan kwallon kafa ta Real Madrid, Pepe, kwantaraginsa zai kare a Real Madrid, a karshen kakar wasan bana .

Shi kuwa shugaban kungiyar kwallon kafa ta Sporting Lisbon, na kasar Portugal, yace suna da bukatar tsohon dan wasan su Cristiano Ronaldo, ya dawo buga masu wasa kafin ya sagale takalman wasan sa.

Cristiano Ronaldo, ya koma kungiyar kwallon kafa ta Manchester United, daga Sporting Lisbon, yayin da yanzu haka yake taka leda a kungiyar RealMadrid.

Shi kuwa mai horar da ‘yan wasan Arsenal, Arsene wenger, cewa yayi a kai kasuwa inda ya ki amincewa da tayin da kungiyar kwallon kafa ta PSG, tayi masa na ya koma kungiyar a mazaunin mai horar da ‘yan wasan kungiyar .

Wenger, dai kwantaraginsa zai kare ne a Arsenal a karshen wannan shekara inda ya shafe sama da shekaru goma sha tara yana horar da ‘yan wasan kungiyar ta Arsenal.

Arsene Wenger Ya Ce Akai Kasuwa - 1'39"