Tana iya yiwuwa dan wasan gaba na kungiyar wasan kwallon kafa ta Arsenal Alexis Sanchez, ya bar kungiyar biyo bayan wata ‘yar jayaya a filin wasa a lokacin da suke atisaye.
Kamar yadda jaridar Mirror ta kasar Ingila, ta ruwaito tace dan kasar ta Chile, yana kan hanyarsa na barin kungiyar ta Arsenal.
Idan za a tuna Arsene wenger ya ajiye Sanchez, akan benci a wasan da suka yi ranar asabar a Liverpool bayan kuma ya kasance kan gaba wurin jefawa Arsenal din kwallaye a raga, inda daga bisani ya sashi bayan da aka dawo hutun rabin lokaci kuma aka jefa masu kwallaye biyu a raga.
Dan wasan dai ya ce yana son barin kungiyar ta Arsenal, ita kuwa kungiyar Paris Saint Germain, ita ke kan gaba wajan zawarcin Sanchez.
Jaridar tace shawarar ajiye Sanchez, akan benci ya biyo bayan takaddamar da ta faru ne tsakanin sa da Wenger bayan da Bayern Munich ta lallasa Arsenal da kwallaye 5 da 1.