Sakamakon kwazon da Anthony Ujah a kakar wasannin bana a kwallayen da ya bugawa kungiyar kwallon kafa ta Koln ya sa kungiyar kwallon kafa ta Werder Bremen za su biya tsabar kudin Birtaniya da suka kai Fam Miliyan biyar don cika ka’idar kudin fansar kwantiraginsa a Koln kafin wasu su iya sayensa.
Fitaccen dan wasan a duniya dan asalin Najeriyar zai bar taka leda a filin RheinEnergie Stadion a wannan kakar, kungiyar da yake takawa leda tun daga shekarar 2013, don komawa kungiyar da ke neman hayewa matakin buga wasan cin kofin Europa mai zuwa.
Wannan ba karamar dama bace ga Ujah wanda shekaru biyu da suka wuce ya bar matsakaiciyar kungiyar Mainz don neman kungiyar da zata fara bashi kwantiragin taka wasa. Kungiyar Werder dai sun kafa tarihin zama a mataki na uku a Jamus ta hanyar lashe gasar Bundesliga har sau hudu.
Kwallaye goman da dan wasan na Super Eagles ya zura ce ta cicciba kungiyar ta Billy Goats zuwa darewa zuwa mataki na biyu maimakon na uku, sannan ya fitar da kwarewar abin da ya koya matsayin nagartar barin kocinsa Thomas Tuchel wanda Ujah yace ya zaku da haduwarsu lokacin komawarsa Jamus daga kasar Norway.