WASHINGTON, DC —
Kungiyar kwallon kafa ta Real Madrid, na zawarcin dan wasan Juventus mai suna Paulo Dybala. Manchester City ta sake komawa neman dan wasan kasar Gabon mai taka leda a kungiyar kwallon kafa ta Borussia Dortmund mai suna Pierre Emerick Aubameyang.
Liverpool na zawarcin dan wasan kasar Sweden mai taka leda a kungiyar kwallon kafa ta AFK Gothenburg mai suna Alexander Isak.
Shi kuwa Mai horas da ‘yan wasan kungiyar kwallon kafa ta Manchester United Jose Mourinho, ya ce bashi da niyyar sayar da kaftin din Kungiyar Wayne Rooney, a wannan lokacin inda ma nazarta kwallon kafa ke hange cewa Mourinho bai bukatar dan wasan ganin yanda bai yi amfani da shi a wasu manyan manyan wasanni da kungiyar ta Manchester ta buga ba.