Hada Hadar Zaratan 'Yan Wasan Kwallon Kafa Na Duniya

WASHINGTON DC — 

A bangaren saye da sayarwa na ‘yan wasan kwallon kafa na duniya da akeyi a yanzu haka.

Dan wasan tsakiya na kungiyar kwallon kafar Arsenal Alex Oxlade Chemberlian, na gaf da Komawa kungiyar Chelsea, kafin ranar Alhamis da za'a rufi cinikayyan ‘yan wasa a bana.

Yayinda Alex Chemberlian, yake yunkurin Komawa Chelsea, daga Arsenal, shi kuwa dan wasan gaba na Chelsea, Diego Costa, a na gaf da kammala cinikin sa na barin kungiyar ta Chelsea zuwa tsohowar kulob dinsa na Atletico Madrid.

Ita kuma kungiyar Swansea City, ta kasar Ingila, ta nuna sha'awarta kan sayen dan wasan tsakiya na kasar Portugal, mai taka leda a kungiyar kwallon kafa ta Bayern Munich, mai suna Renato Sanches.

Shugaban kungiyar kwallon kafa ta Barcelona, Robert Fernandez, ya ce kungiyarsa tana da niyyar karin ‘yan wasa biyu kafin a rufe sayarda ‘yan wasan bana a ranar Alhamis,

Kungiyar ta Barcelona dai ta sayi dan wasan gaba na Borussia Dortmund, Ousmane Dembele, akan zunzurutun kudi har fam miliyan £133.5 a satin da ta wuce.

Hada Hadar Zaratan 'Yan Wasan Kwallon Kafa Na Duniya - 2'37"