Shah Rukh Khan, jarumi ne wanda yake da masoya da babu kama hannu yaro a cikin da wajen Indiya, idan aka kwatanta da sauran jaruman Bollywood, yana can gaba gaba.
Wannan kuwa bazai rasa nasaba da irin abubuwan da yayi a Bollywood baYa dai fara ne a Talebijin wanda daga bisani abun nasa ya habaka ya koma fina finai Cinima, da fim din Deevana, wanda daga shi ya zama Sarkin soyayya a fina finan da yake fito .
Shi dai Shah Rukh Khan, wanda akewa lakabi da sarkin soyyaya, a cikin fina finan sa ya iya sa mata suyi dariya a lokacin da suke kuka ko kuma suke cikin bacin rai.
Karamci da kyawawan laffusan a lokuta da dama ma na jan ra’ayin mata zuwa gare shi.
Jarumin dai a cikin fina finan sa da dama ya kan nuna tsabagen soyyaya irin wanda ke sa hankalin matan ya raja’a akan sa su ga babu wani masoyi kamar sa.