Kamfanin Microsoft ya Fitar da Sabuwar Wayar Salula

WASHINGTON, DC — 

Kamfanin Microsoft ya fitar da sabuwar wayar Salula mai suna Lumia 535 kirar Nokia, wayar ta zone da sabuwar manhajjar wayoyi ta kamfanin Microsoft mai lamba 8.1, wayar dai tafito da abubuwan amfani na zamani.

A watan Afirilu na wannan shekarar ne dai kamafanin Microsoft ya sayi hannun jari na kamafanin Nokia, da ya shahara wajen, kera wayoyi, akan kudi dala Amurka, biliyan 7 da dubu dari biyu, yanzu dai kamafanin Microsoft na iya amfani da sunan Nokia a duk sabbin kayayyakin da ya fito dasu zuwa wani lokaci, a karkashin yarjejeniyar cinikin da suka kulla.

Sabuwar wayar Lumia 535, dai zata shiga kasuwannin kasashen duniya amma banda Amurka.

kamfanin Microsoft dai yace wayar zata fito kan farashi kwatankwacin Naira dubu ashirin da uku. Wayar zata karasa kasashe kamar Rasha, Ukraine, China, Indonesia, da Philippines. Sun kuma hada da kasashen, Australia da Thailand da kuma wasu kasashe a nahiyar Afirka.

Nokia - 1'00"