Manajan Kulob din Liverpool ya ce ya na fuskantar babban kalubale, a farkon kakar wasannin Premier League.
Manajan Kulob din kwallo na Liverpool Brendan Rodgers ya yi imanin cewa gagarumin canjin da aka yi ya kara armashi ga Kulob din a wannan kakar Premier League.
A farkon wannan kakar wasannin, baraden Rodgers sun yi ta fama kafin su ka yi galaba da 3-4-3 wanda ke da muhimmanci sosai ga nasararsu, wanda ya kais u ga matsayi na 6.
“Darasin da na koya shi ne, yawan goyon bayan da ka ke da shi a kwamitin gudanarwa, da daraktoci da ‘yan kwamitin zartaswa, ba shi ke tasiri ba, wajibi ne ka jajirce ka kuma yi nasara,” a cewar Rodgers ga jaridun Burtaniya. Ya kara da cewa, ya kasance dole gare ni in yanke shawarar da za ta taimawa mu iya kai wa akalla kusa ga yadda mu ke a da; da kuma cigaban kulob din, ta yadda kowa ke tsokaci kan tsarin da kuma saukin tafi da shi. Da ma na yi hakan tun farko.”
Ganin yadda aka sai da dan wasan da ya fi cin kwallo Luis Suarez ga kulob din Bercelona, Rodgers ya amsa cewa bangarensa na Liverpool ya shiririce” a farkon shekara ta 2014 zuwa 2015.
Your browser doesn’t support HTML5
Manajan Liverpool Ya Ce Ya Fuskanci Kalubale Mai Yawa A Wannan Kakar Premier League