A wasannin da ake buga wadanda suka rage suka zama kwantai bangaren Firimiya lig, na kasar Ingila 2016/17 a jiya kungiyar kwallon kafa ta Arsenal, ta kwaci kanta a hannun Leicester city, da ci 1-0
Middlesbrough's ta doke Sunderland da kwallo 1-0, Crystal palace, ta sha kashi a gidanta da ci 1-0 a hannun Tottenham.
A yau kuma za'a kara a babban wasa na Firimiyan bana tsakanin kungiyar kwallon kafa ta Manchester City, da takwararta ta Manchester United, da misalin karfe takwas na dare agogon Najeriya, Nijar da kasar Kamaru.
A kasar Spain, kuwa bangaren laliga 2016/17 mako na talatin da hudu, jiya kungiyar kwallon kafa ta Barcelona, ta lallasa Osasuna, da kwallaye 7-1, Leganes, ta samu nasara a kan Las Palmas, daci 3-0, sai Valencia ta sha kashi daci 3-2 tsakaninta da Real Sociedad, Deportivo, ta dibi ruwan kwallaye 6-2 a ragarta daga hannun Real Madrid.
Yau za'a fafatane tsakanin Alaves da Eibar, sai Sevilla, ta karbi bakuncin Celta Vigo, Athletic Bilbao, zasu kece raini da Real Betis.
Za'a buga wasanninne a lokuta daban daban agogon Najeriya da Nijar wanda ya kama daga karfe shida da rabi na yammaci har zuwa takwas da rabi na dare.
Your browser doesn’t support HTML5
Manchester City Za Ta Barje Gumi Da Manchester United