Rahtoanni sun ce kudin da Manchester United ta sayi David De Gea ya kai pam miliyan 30.
A cewar jaridar The Sun, dan wasan wanda dan asalin kasar Andalus ne, ya rattaba hanu da kungiyar ta old Trafford a ranar juma’ar da ta gabata, bayan da aka gaza sasanta batun sauya shekar sa da Real Madrid.
Rahoton jaridar ya ce De Gea wanda akalla ya ke karbar pam dubu 200,000 a kowane mako, ya nemi a sanya ka’idar nan ta cewa ya sauya sheka a cikin kwantiraginsa.
Yayin da yake ganawa da ‘yan jarida De Gea ya ce yana mai matukar farin ciki da fara wannan zangon wasa a kungiyar ta Manchester, yana mai cewa Man U, kungiya ce da zai kara wasa basirarsa ta kwallo.
Ya kuma ce zai maida hankali ya ga cewa ya yi aiki tukuru tare da abokanan wasansa, domin su samu nasara.