Tsohon shugaban Najeriya, Janar Abdulsalam Abubakar, ya bukaci ‘yan Najeriya, dasu tabbatar da ganin cewar zaman lafiya ya tore a Najeriya, ya furta haka ne a hirar su da babban Editan sashen hausa Aliyu Mustapha.
Yace bayan da akan yin yarjejeniya zaman lafiya tsakanin janar Muhammadu Buhari da shugaba Jonathan, sai aka kafa kwamitin suna tabbatar da samar lafiya, wanda ya basu damar kutsawa duk sassan Najeriya, domin tattaunawa da duk masu ruwa da tsaki.
Ya kara da cewa duk duniya an dauka cewa tashin hankali zai faru a Najeriya, dagane da zaben da aka gudanar a watan Maris din da ya gabata, wanda kowa ya koma inda yafi wayo.
Janar Abdulsalam yace Najeriya, a yanzu ta kara kima a idon duniya, kuma shugaba Jonathan ya chanchaci yabo don rawar da ya taka na amincewa da faduwa a zabe.