WASHINGTON, DC —
A jihar Florida wata Saniya ta haifi ‘yar maraka mai kai biyu a wata gona dake arewacin jihar.
Gidajen labarai masu yawa sun fitar da rahotan haihuwar da ta faru a gonar dake karamar hukumar Baker, mutumin daya mallaki wannan gonar dai yace bai taba ganin irin wannan baiwar ba a shekaru sittin da yayi yana kiwon shanu.
Mai gonar dai yace ‘yar maraka da aka haifa tana samun matsala wajen tashi tsaye, amma ana shayar da ita ta hanyar amfani da kwalba, kuma idan bakin ta daya na tsotsan madara ‘daya bakin kuma yana motsi ne kawai.
Masu gabatar da abubuwan al’ajabi a kafafen yada labarai sunce ire iren wadanda aka gani a baya basa wuce kwanaki arba’in a duniya.
