Kungiyar rajin taimakawa mata masu sana’o’in kansu mai suna Quintessential Business Women Development, ta shirya da gabatar wa mata bita a birnin Kano don bunkasa sana’ar su.
Hajiya Gaje Abdullahi Nasidi itace mai kula da shirin na shiyyar jihar Kano, ta kuma yi ‘karin bayani kan manufofin wannan kungiya da yadda kungiyar ta kafu. Kasancewar yadda matan arewacin Najeriya basa cin moriyar wasu shirye shirye wanda suka hada da baiwa mata masu sana’a bashi da gwamnatin kasar keyi, hakan yasa ita wannan kungiya ta QBWD ta zo domin farfado da mata da kuma tayar dasu tsaye domin cin gajiyar shirin.
Kungiyar dai tana taimakawa mata da tallafi har kashi uku na farko shine ana baiwa mata tallafin a kungiyance, na biyu shi ake baiwa samari da ‘yan mata, sai na uku kuma wanda ake baiwa mata ma’aikata.
‘daya daga cikin matan da suka halarci wannan bita Hajiya Aisha Maude, ta jinjina da kuma gamsuwa ga bitar, kungiyar dai zata taimakawa matan da jarin sana’a, dama ganar dasu yadda zasu iya fitar da kayan su zuwa kasuwa.
