Kungiyoyin kwallo kafa a duniya na ta shirye shirye saye da sayarda ‘yan wasan kwallon kafa domin tun karar wasannin lig lig na kasashe daban daban da ake shirin farawa musamman manyan wasannin kasar Ingila da kasar Spain,Jamus da Itali na bana shekara 2017/18.
A kasar Spain shahararen dan wasan Barcelona Lionel Messi na shirin tsawaita kwantirakinsa a kungiyar na tsawon shekaru biyar.
Alexandre Lacazette na Lyon na daf da rattaba hannu a kungiyar kwallon kafa ta Arsenal na tsawon shekaru biyar akan kudi fam miliyan £52.
Mai tsaron raga na AC Millan Donnaruma ya amince da ya sake zama a kungiyar har na wasu shekaru biyar masu zuwa inda zai karbi fam miliyan £6 a duk shekara.
Jose Mourinho na neman sayen dan wasan baya na kungiyar Borussia Dortmund mai suna Marc Bartra.
Ita kuwa Chelsea tana daf da sayen Leonardo Bonucci, inda Kungiyar Everton ta kammala sayen dan wasan baya na Burnley mai suna Michael Keane akan kudi fam miliyan £30.
Facebook Forum