Kungiyar kwallon kafa ta Manchester United, dake kasar Ingila, tace zata kara tsawaita kwantiragin mai tsaron ragarta David De Gea, na tsawon lokaci.
Dan wasan mai shekaru 26, da haihuwa dan kasar Spain, yazo kungiyar kwallon kafa ta Manchester United, daga tsohowar kungiyarsa ta Atletico Madrid, a shekara ta 2011, kimanin shekaru shida baya, akan kudi fam miliyan £18.9.
Ya kama wasanni har guda 206, a kungiyar ta Manchester United, inda ya samu nasarar lashe kofin firimiya lig, FA Cup, English football league, sai kuma Community shields sau uku tare da lashe kofin European League, duk a kungiyar ta Manchester United,
Shekaru biyu kinan kungiyar kwallon kafa ta Real Madrid, na kasar Spain, take nuna sha'awarta na saye dan wasan amma abun yaci tura.
Shi kuwa mai horas da kungiyar Manchester United, José Mourinho, ya ce ko kusa ba zaiyi kuskuren rabuwa da dan wasan a yanzu ba.
Facebook Forum