WASHINGTON, DC —
Shahararren dan wasan kungiyar Real Madrid, Cristiano Ronaldo, yana da burin zama a kungiyarsa har sai yayi ritaya, don haka zai sake rattaba hannu akan wani sabon kwantiragi.
Kwantiragin Ronaldo dai zai kare a shekara ta 2018, sai dai ana alakanta dan wasan da kungiyoyi kamar su Paris Saint-Germain da Manchester United.
Kamar yadda Ronaldo ya fada, yace tabbas a fili yake yana son ya kasance da kungiyarsa, kuma yana jin ba zai bar kungiyar ba har sai yayi ritaya.
Ga dukkan alamu dai Ronaldo na farin ciki da kungiyar Real Madrid, zai kuma jira har sai bayan wasan Champion League lokacin da kwantiraginsa zai kare nan zai gani ko kungiyar zata sake bashi dama.
