A cigaba da wasanni da ake yi na kalubale na karshe, an buga wasanne tsakanin kungiyar Manchester United da Crystal Palace inda Manchester ta lallasa Crystal Palace da kwallaye 2 – 1, wanda y aba Manchester damar daukar kofi karo na goma sha biyu, rabon Manchester da daukar irin wannan kofin tun shekarar 2004 sai wannan shekarar.
Wani abin alfahari a wajan Manchester shine musamman wannan shine karo na farko da kaftin din kungiyar Wayne Rooney ya dauki irin wannan kofi a tarihi, duk da haka a yayin da kungiyar take murnar wannan nasara, sai ga wata sabuwa ta bullo! Wato sanarwar dakatar da kocin kungiyar Luis Van gaal wanda shine ya jagoranci kungiyar a wannan gagarumar nasara da suka samu.
Hasashe na nuna cewar kungiyar Manchester city na shirin kulla yarjejeniya ne tsakanin su da Jose Mourinho akan kudi Euro miliyan saba’in da biyar wanda zai yi shekaru biyar a wurin su. Mourinho ya nuna cewar lallai idan yazo zai yi gyara a kulob din inda zai nemo ‘yan wasa a kalla guda takwas, kuma cikin ‘yan wasan harda Zlatan Ibrahimovic wanda ya nuna alamun barin kulob din nasa ganin cewa ya kammala kwantaragin sa da kungiyar.
Wata majiya ta daban kuma ta bayyana cewa Ibrahimovic zai zo kungiyar Manchester United ne a matsayin mataimakin mai hararwa ganin.
A kungiyar Arsenal kuma, sun kara wad an wasansu dan kasar Ingila Zach wilder shekarun kwantaragi domin hazakar da ya nuna duk da cewa ya sami rauni inda ya share watanni goma baya nan.
A kungiya Aston Villa kuma hamshakin dan kasuwar nan na kasar China wanda ya sayi kungiyar ya ce ya saye ta ne a sakamakon burin da yake da shin a sake farfado da ita domin ta zamo tana ta daya zuwa ta biyu a cikin kungiyoyin wasan kwallon kafa na duniya.
