WASHINGTON, DC —
A game da batun sace dalibai mata, shugabar makarantar sakandaren mata ta Chibok, Asabe Kwambura, ta musanta sanarwar da sojoji suka bayar cewa an samo akasarin wadannan yara mata.
Jiya laraba da daddare ne sojojin suka bayar da sanarwar cewa saura ‘yanmata 8 ne kawai ba a gano ba daga cikin 107 da aka sace.
Asabe Kwambura ta fadawa VOA yau alhamis cewa ita dai yara 14 kawai ta sani sun kubuta, kuma babu wata gaskiya cikin sanarwar sojojin.
Wani babban jami’in hukumar SSS a Maiduguri ma ya fadawa VOA cewa su kam ba su da wata masaniya game da sakin daliban. Yace watakila sojojin su na da wata masaniyar da su ba su sani ba.
Jiya laraba da daddare ne sojojin suka bayar da sanarwar cewa saura ‘yanmata 8 ne kawai ba a gano ba daga cikin 107 da aka sace.
Asabe Kwambura ta fadawa VOA yau alhamis cewa ita dai yara 14 kawai ta sani sun kubuta, kuma babu wata gaskiya cikin sanarwar sojojin.
Wani babban jami’in hukumar SSS a Maiduguri ma ya fadawa VOA cewa su kam ba su da wata masaniya game da sakin daliban. Yace watakila sojojin su na da wata masaniyar da su ba su sani ba.
