WASHINGTON, DC —
A ya’u aka gudanar da gwajin na’urar tantance masu zabe a jihohi goma sha biyu, a fadin tarayyar Najeriya.
A jihar Nasarawa, an gudanar da gwajin ne a runfunan zabe goma sha hudu, a garin Garaku, dake karamar hukumar Kokuna, inda jama'a suka ce sun gamsu da yadda aikin ya gudanar ganin cewa bai dauki tsawon lokaci ba.
Wakiliyar muryar Amurka, Zainab Babaji, da ta zagaya domin gani da idon ta ce a dukkan runfunar zabe data ziyarta, ta tarda masu sa ido daga ciki da wajen Najeriya, domin ganin yadda aikin ke gudana.
Duk da yake tantance katin zaben na gwaji ne an tsaurara matakan tsaro a duk runfunan zaben.
