Wasu ‘daliban Jami’ar North Dakota sun tsorata alokacin da suke dasa na’urar hangen nesa (telescope) a bayan gidan su, wani ‘dan sanda kuma ya dauka bindiga ce suke girkawa.
‘Daliban biyu masu suna Levi Joraanstad da Colin Waldera ke kokarin girka wannan na’ura a daren Litinin a bayan gidan su domin hangen wata, kwatsam sai sukaji an haska masu fuska da wuta ana ce masu, ku dai na motsi!
Su dai baza su iya gane wanda yake haske su ba, har ma suna tunanin abokan su ne suke musu wasa.
Abinda dai ya faru shine jami’in ‘yan sanda ne ya gano su alokacin da yake sintiri, ya kuma ‘dauka irin manyan bidigogine suke girkawa, ya kuma ‘dauka rigar daya daga cikin su irin rigar kare harsashi ce, sai ya kira taimako daga sauran abokan aikin sa.
‘yan sanda sunce ‘daliban dai basa cikin wani hali irin na hatsari, amma rigakafi yafi magani.
